റൂഹുൻ റൂഹും

Book Name in English : Roohun Roohum

പാതിരാമുല്ല പൂക്കുന്ന മാസമാണ് ഒക്ടോബർ, നല്ല സുഗന്ധം പരത്തുന്ന ഈ പൂക്കൾക്ക് ആയുസ്സ് കുറവാണ്. നല്ല സമയങ്ങളും പാതിരാമുല്ല പോലെയാണ്. നമുക്ക് ചുറ്റും നന്നായി സുഗന്ധം പരത്തി പെട്ടെന്ന് കടന്നു പോകും. ഇത് ഒരു യാത്രയാണ്. പാതിരാമുല്ല പോലെ സുഗന്ധം പരത്തി പെട്ടെന്ന് കടന്നുപോയ ഒരു സൗഹൃദത്തെ തേടിയുള്ള ഒരു കഥ പറച്ചിലുകാരൻ്റെ യാത്ര, വാക്കുകളായി, ചിത്രങ്ങളായി, കവിതകളായി സംഗീതമായി, ചലന ചിത്രങ്ങളായി അങ്ങനെയെല്ലാമായി സ്വയം പരിഭാഷപ്പെടുന്നവൻ ആണ് കലാകാരൻ. തന്റെ രാപ്പകലുകളെയും, താൻ കണ്ട വേനലിനെയും മഴയെയും മഞ്ഞിനേയും എല്ലാം കഥകളാക്കി മാറ്റിയ ഒരു കഥ പറച്ചിലുകാരന്റെ കഥയാണ് ’റൂഹുൻ റൂഹും’, തൻ്റെ കഥകൾക്ക് ആത്മാവ് പകർന്ന സൗഹ്യദത്തെ പ്രണയിച്ച കഥ പറച്ചിലുകാരന്റെ യാത്രയാണ് ഈ പുസ്ത‌കം.