വിധിയുടെ വിനോദം

Book Name in English : Vidhiyude Vinodam

അടുക്കും ചിട്ടയുമായി കഥ പറയുന്നതാണ് ഗോകുലിൻ്റെ രീതി. അതിൽ അതിഭാവുകത്വം ഇല്ല. ഭാവനയുടെ ചിറകുകളിലേറി സഞ്ചാരമില്ല. അനുഭവങ്ങൾ, ആത്മാർത്ഥത, സ്നേഹം, കരുണ, പുരാണങ്ങളെക്കുറിച്ചുള്ള അറിവ് ഇവയൊക്കെയാണ് ഗോകുലിൻ്റെ കൈമുതൽ. ഒരു ഡോക്ടറുടെ ജീവിതത്തിൽ ദിവസവും കാണുന്നതും കേൾക്കുന്നതും ദുഃഖത്തിന്റെ മുഖങ്ങളും കഥകളും ആണ്. പലപ്പോഴും നമ്മൾ അതിന്റെ ഭാഗമായി മാറുന്നു. ആത്മാർത്ഥതയുള്ള ഒരു ഡോക്ടറുടെ മനസ്സും സഹനത്തിൻ്റെ പ്രതീകമായ രോഗിയുടെ മനസ്സും ഒന്നാകുമ്പോഴാണ് ഇത്തരം കഥകൾ പിറക്കുന്നത്.
ഡോ. ആനന്ദ്‌കുമാർ
(Professor, Department of Neurology, Amrita Institute, Kochi)
ആദ്യ രചനയാണെങ്കിലും കഥാകാരൻ്റെ ഭാഷയുടെ ലാളിത്യവും അച്ചടക്കവും ഒഴുക്കും പ്രശംസനീയം തന്നെ. വൈദ്യശാസ്ത്ര കഥകളിൽ കയറിവരുന്ന സങ്കീർണ്ണതകൾ ഒഴിവാക്കി വളരെ സുന്ദരമായ ഒരു എഴുത്തായി നമുക്ക് തോന്നുന്നത് തീർച്ചയായും ഒരു നേട്ടമാണ്. കഥാകാരൻ്റെ മനസ്സിലെ തോന്നലുകൾ അതേ തീവ്രതയോടെ വായനക്കാരന്റെ മനസ്സിലേക്ക് സന്നിവേശിപ്പിക്കാൻ കഴിയുമ്പോഴാണല്ലോ സാഹിത്യത്തിന് ഫലപ്രാപ്തി ഉണ്ടായി എന്ന് പറയാനാകു. പല സന്ദർഭങ്ങളിലും വായനക്കാരൻ്റെ നെഞ്ചിനകത്ത് ഒരു കനമുണ്ടാക്കാനും കണ്ണു നനയിക്കാനും പുഞ്ചിരി പടർത്താനും ഡോക്ടറുടെ വാക്കുകൾക്ക് എളുപ്പത്തിൽ സാധിക്കുന്നുണ്ട്.
ഡോ. ഉഷാമേനോൻ വി.
(Professor, Department of Endocrinology, Amrita Institute, Kochi)