ശിഖണ്ഡിനിയിലൂടെ

Book Name in English : Sikhandiniyiloode

ഇതിഹാസങ്ങൾ ബാക്കിവെച്ച മൗനങ്ങളെ സർഗ്ഗാത്മകമായി വികസിപ്പിച്ചെടുക്കുന്ന അപൂർവ്വമായൊരു വായനാനുഭവം. ലിംഗഭേദങ്ങളുടെ സംഘർഷങ്ങൾക്കിടയിൽ അംബയുടെ പ്രതികാരവും ശിഖണ്ഡിനിയുടെ പരിവർത്തനവും സ്‌തൂണൻ എന്ന യക്ഷന്റെ ആത്മസമർപ്പണവും ഇവിടെ പുതിയൊരു ഭാവതലത്തിൽ അനാവരണം ചെയ്യപ്പെടുന്നു. പുരുഷാധിപത്യത്തിന്മേൽ സ്ത്രീത്വത്തിന്റെ ആത്മാഭിമാനം ജ്വലിക്കുന്ന ഈ നോവൽ, വ്യാസൻ ഒളിപ്പിച്ചുവെച്ച ഇതിഹാസ വിടവുകളെ ഭാവനയാൽ മനോഹരമായി നികത്തുന്നു. ദിവ്യപ്രണയവും വിസ്മയങ്ങൾ തീർക്കുന്ന കുരുക്ഷേത്രഭൂമിയും, കാല്പ‌നിക ശാസ്ത്രസങ്കല്‌പവും വായനക്കാരെ ഒരു മായാലോകത്തേക്ക് കൂട്ടിക്കൊണ്ടുപോകും. ലളിതമായ ഭാഷയിൽ തീർത്ത ഈ കൃതി സുജ മനോജിൻ്റെ അനന്യമായ ആഖ്യാനമാണ്.