ചിത്രഭൂപടങ്ങൾ

Book Name in English : Chithrabhupadangal

ആൾക്കൂട്ടത്തിൻ്റെ വന്യകാമനകളെ ഭ്രമിപ്പിക്കുന്ന കാഴ്‌കളല്ല, കാണികളിൽ അർത്ഥവത്തായ പരിണാമങ്ങൾ സൃഷ്ടിക്കുന്ന ദൃശ്യങ്ങൾക്കാണ് എക്കാലവും പ്രസക്തിയുള്ളതെന്ന് ഉറച്ച ബോധ്യമുള്ള സംവിധായകൻ ടി ദീപേഷിൻ്റെ ചലച്ചിത്ര ലോകത്തെ വിശകലനം ചെയ്യുന്ന പഠനഗ്രന്ഥം.

സമാന്തര ചലച്ചിത്രമേഖലയിലെ പാരമ്പര്യധാരയിൽ നിന്നു ബോധപൂർവ്വമുള്ള വിച്ഛേദനങ്ങൾ സാധ്യമാക്കിയ പുതിയ തലമുറയുടെ പ്രതിനിധികളിലൊരാളായ ദീപേഷിന്റെ ചലച്ചിത്ര പ്രവർത്തനങ്ങൾ സമാനതകളില്ലാത്ത സമര പോരാട്ടങ്ങൾ കൂടിയാണ്. ജാനു മുതൽ സുദീപ്നാ വരെയുള്ള ചിത്രങ്ങൾ അതിൻ്റെ സാക്ഷ്യപത്രങ്ങളാണ്. ഭരണകൂട അധികാര സംവിധാനങ്ങളുടെ ഇടപെടലുകളെ മറികടന്ന ഈ ചിത്രങ്ങൾ സമകാലിക മനുഷ്യാവസ്ഥകളുടെ നേർചിത്രണങ്ങളായിരുന്നു.

സമാന്തര ചലച്ചിത്ര മേഖലയിൽ ടി ദീപേഷ് നടത്തിയ ഇടപെടലുകളെന്തെല്ലാമായിരുന്നു. ചലച്ചിത്രങ്ങൾ പങ്കുവെച്ച ആശയങ്ങൾ ഏതൊക്കെ തലങ്ങളിലായിരുന്നു എന്നിവ വിമർശനാത്മകമായി വിശകലനം ചെയ്യുന്ന പഠനഗ്രന്ഥം.