ഇരപഠിത്തം

Book Name in English : Irapaditham

ബിന്ദു സജീവിൻ്റെ കവിതകളിൽ, കേരളത്തിന് പുറത്തു ജീവിക്കുന്ന പലരുടെയും രചനകളിൽ കാണുന്ന മുഷിഞ്ഞ ഗൃഹാതുരത്വമില്ല, മറിച്ച് താൻ എത്തിയ ഇടത്ത് നിന്നുകൊണ്ടു തന്നെ സമയത്തിലൂടെയും ഭാഷകളിലൂടെയും സഞ്ചരിക്കുകയാണ് ബിന്ദു മാനസികാവസ്‌ഥകളും സാമൂഹ്യാവസ്ഥകളും ഈ രചനകളിൽ തന്മയീഭവിക്കുന്നു, ഗാന്ധി മുതൽ ഗൗരി വരെയുള്ള രക്തസാക്ഷികൾക്കുള്ള രക്തബന്ധം ഇവ വെളിവാക്കുന്നു. ശരീരവും ഹൃദയവും ശൈലിയും വേർപെടാതെ അന്യോന്യം പൂരിപ്പിക്കുന്നു, മലയാളവും കന്നഡയും ഒരു കണ്ണടയുടെ രണ്ടു ചില്ലുകളാവുന്നു സ്വാഗതാർഹമായ ഒരു നവസ്വരം.

സച്ചിദാനന്ദൻ

കനമില്ലാത്ത കാല്‌പനികതയോ അർത്ഥമില്ലാത്ത യാഥാസ്ഥിതികതയോ ഉണ്ടാക്കുന്ന കുരുക്കിൽ വാക്കിന് ജീവപര്യന്തം തടവു വിധിക്കുക എന്ന മലയാള കവിതയുടെ ചതിക്കുഴിയിൽ വീഴാൻ തയ്യാറല്ല എന്ന് ബിന്ദു ഈ കവിതകളിലൂടെ പ്രഖ്യാപിക്കുന്നു.
സ്ത്രീ കവിതകളിൽ താരതമ്യേന കുറവായ പൊതുസ്‌ഥലം ബിന്ദുവിൻ്റെ കവിതകളിൽ ധാരാളമായുണ്ടെന്ന് കാണാം.

പി എൻ ഗോപീകൃഷ്ണൻ