ജ്യോതിഷരഹസ്യം

Book Name in English : Jyothisha Rahashyam

ശ്രീകുമാർ പെരിനാട് രചിച്ച ’ജ്യോതിഷരഹസ്യം പല വിധത്തിലുള്ള പ്രത്യേകതകൾ കൊണ്ട് ശ്രദ്ധേയമായ ഒരു കൃതിയാണ്. ജാതകം കാണുന്ന മാത്രയിൽ തന്നെ ശിശു സ്ത്രീയോ, പുരുഷനോ എന്നു മനസ്സിലാക്കാനുതകുന്ന ഒരു റെഡി റഫറൻസ് ചാർട്ട് തുടങ്ങി വിവിധ കാലഹോരങ്ങളിൽ ചെയ്യാവുന്ന കൃത്യങ്ങളുൾപ്പെടെയുള്ള വിവിധ വിഷയങ്ങൾ സമഗ്രമായി പ്രതിപാദിച്ചിട്ടുള്ള ഈ പുസ്‌തകം ജ്യോതിശാസ്ത്രജ്ഞൻ മാർക്കും ജ്യോതിഷവിദ്യാർത്ഥികൾക്കും ഒരുപോലെ ഉപയോഗപ്രദമാണ്. ശ്രീകുമാർ ഇനിയും ഇത്തരം അനവധി പുസ്‌തകങ്ങൾ രചിക്കുവാനിടവരട്ടെ. ഈ ജ്യോതിഷ ഗ്രന്ഥത്തിന്റെ പ്രസിദ്ധീകരണം ഏറ്റെടുത്ത പ്രശാന്തി പബ്ലിഷേഴ്‌സിന് സർവ്വവിധ
അനുഗ്രഹങ്ങളും ലഭിക്കുമാറാകട്ടെ എന്ന് ജഗദീശ്വരനോടു പ്രാർത്ഥിക്കുന്നു.
എം. നന്ദകുമാർ ഐ.എ.എസ്
കൊല്ലം ജില്ലയിലെ പെരിനാട് ജനനം. വില്ലേജ് ഓഫീസറായിരുന്ന പി.കെ. രാഘവൻ പിള്ളയുടെയും അദ്ധ്യാപികയായിരുന്ന പി. സുശീലാഭായി അമ്മയുടെയും മൂന്നാമത്തെ മകൻ. ഫാത്തിമാ മാതാ നാഷണൽ കോളേജിൽ നിന്നും ബോട്ടണിയിൽ ബിരുദവും കേരളയൂണിവേഴ്‌സിറ്റിയിൽ നിന്നും ഫിലോസഫിയിൽ ബിരുദാനന്തര ബിരുദവും ജേർണലിസത്തിലും പബ്ളിക് റിലേഷൻസിലും പി.ജി. ഡിപ്ലോമയും നേടി. ജ്യോതിഷം ഗുരുകുല രീതിയിൽ അഭ്യസിച്ചിട്ടുണ്ട്. ആനുകാലികങ്ങളിൽ നിരവധി ലേഖനങ്ങൾ പ്രസീഡി കരിച്ചിട്ടുണ്ട്. ഊട്ടിയിൽ നിന്നും പ്രസിദ്ധീകരിച്ച് വന്നിരുന്ന ജ്യോതിഷസന്ദേശം മാസികയുടെ പത്രാധിപർ. ജ്യോതിഷരഹസ്വം, വഴിപാട്, മുക്തിമാർഗ്ഗം, ആശ്രമങ്ങളിലൂടെ എന്നീ ഗ്രന്ഥങ്ങൾ പ്രസിദ്ധപ്പെടുത്തി. വിദ്യാധിരാജാ ശ്രീ ചട്ടമ്പിസ്വാമികളെക്കുറിച്ചുള്ള ഡോക്യുമെൻ്ററിയുടെ രചനയും സംവിധാനവും നിർവ്വഹിച്ചിട്ടുണ്ട്. മരണം ഒരുപഠനം എന്ന വിഷയത്തെ കുറിച്ച് കേരള സാഹിത്യ അക്കാദമിയിൽ ഗവേഷണത്തിൽ ഏർപ്പെട്ടിരിക്കുകയാണ് ഇപ്പോൾ. തിരുവനന്തപുരത്ത് സ്ഥിരതാമസം. ഭാര്യ താര.