മഹാഭാരതം യാഗാശ്വങ്ങളുടെ ദുഃഖങ്ങൾ

Book Name in English : Mahabharatham Yagaswangalude Dukhangal

എണ്ണായിരം ശ്ലോകങ്ങൾ പല നൂറ്റാണ്ടുകൾകൊണ്ട് ഒന്നേകാൽ ലക്ഷത്തില ധികം ശ്ലോകങ്ങളായി വളർന്നു വികസിച്ച മഹാഭാരതം എന്ന ഇതിഹാസത്തിലെ പ്രധാന കഥാപാത്രങ്ങളെല്ലാം നമുക്ക് സുപരിചിതരാണ്. ഈ പുസ്തകം മഹാഭാരത ത്തിലെ പാർശ്വവൽക്കരിക്കപ്പെട്ട, ഒറ്റപ്പെടലിനും അനീതിക്കും വിധേയരാക്കപ്പെട്ട കഥാപാത്രങ്ങളുടെ ആശങ്കകളിലേക്കും സ്വകാര്യ ദുഃഖങ്ങളിലേക്കും നമ്മെ കൂട്ടിക്കൊ ണ്ടുപോകുന്നു. അവർ അപ്രധാനികളായി മാറ്റപ്പെട്ടുവെങ്കിലും കഥാഗതിയെ നിയന്ത്രി ക്കുകയും തിരിച്ചുവിടുകയും ചെയ്യുന്നതിൽ അവരുടെ പങ്ക് നിസ്തർക്കമാണ്. അവരുടെ അസ്തിത്വ ദുഃഖങ്ങളും മനോവ്യഥകളും നിസ്സഹായതയും അനാവരണം ചെയ്യുവാനുള്ള ഒരു എളിയ ശ്രമമാണ് കഥാകൃത്ത് നിർവ്വഹിച്ചിരിക്കുന്നത്.
വർണ്ണവ്യവസ്ഥ നിലനിന്നിരുന്ന ഇതിഹാസകാലത്ത് ഉപരിശ്രേണിയിലെ പല പ്രധാന വ്യക്തികളും വർണ്ണാധിഷ്ഠിത സമൂഹത്തിന്റെ താഴെത്തട്ടിൽ ജനിക്കാൻ വിധിക്കപ്പെട്ട പല കന്യകമാരോടും അടുപ്പം ഭാവിക്കുകയും പിന്നീട് അവരെ തിരസ്കരി ക്കുകയും വിസ്തൃതിയുടെ ലോകത്തേക്ക് ആട്ടിയകറ്റുകയും ചെയ്തിരുന്നു. അവരുടെ സന്തതികൾ ഈ രാജ്യാധികാരികളുടെ സൗഭാഗ്യങ്ങളും അവകാശങ്ങളും പങ്കുപറ്റു വാൻ എത്തുമോ എന്ന ഭീതിയിൽ ബലികൊടുക്കപ്പെടുകയോ, മരണത്തിലേക്കു തള്ളി വിടപ്പെടുകയോ ചെയ്യപ്പെട്ടിരിക്കുന്നു. ആ ഹതഭാഗ്യരുടേയും, അവരുടെ അമ്മമാരു ടേയും മൂകദുഃഖങ്ങളും വിലാപങ്ങളും വിവരിക്കുന്നതിൽ ഇതിഹാസത്തിന്റെ താളുകൾ പിശുക്കു കാണിച്ചിട്ടുണ്ട്.
അതെ, മഹാഭാരത കഥ ഇന്നും തുടരുകയാണ്.