മരണത്തിന്റെ നിഴലുകൾ

Book Name in English : Maranathinte Nizhalukal

യൗവനകാലജീവിതത്തിലെ വിരസത ഏകാന്തത കാമം പ്രണയം തുടങ്ങിയവ ജ്വലിച്ചുനിന്ന വേളയിൽ തന്റെ ചിന്തയിലും വികാരങ്ങളിലും അനുഭവിച്ചവയാണ് ഈ നാടകത്തിലുടനീളം സ്രഷ്ടാവ് ആവിഷ്ക്കരിച്ചിരിക്കുന്നത്. വിരസതയുടെ ലോകത്തുനിന്ന് രക്ഷപ്പെടാൻ ആഗ്രഹിക്കുന്ന കുറേ മനുഷ്യർ, ഒരു തത്ത്വശാസ്ത്രവും ജീവിപ്പിക്കാൻ മനുഷ്യനെ പ്രേരിപ്പിക്കുന്നില്ല. മറിച്ച്, മരിക്കാനായി ധാരാളം കാര്യകാരണങ്ങൾ കൊണ്ട് നിറച്ചിരിക്കുന്നു. ‘പ്രപഞ്ചം ആരുടെ സൃഷ്ടിയാണ്..? നാം എവിടെനിന്ന് വന്നു..? എങ്ങോട്ടുപോകുന്നു..?’ തുടങ്ങിയ ഒട്ടേറെ ചോദ്യങ്ങൾ നാടകകൃത്ത് തന്നോടുതന്നെ ചോദിച്ചതിന്റെ ഫലമാണ് ’മരണത്തിന്റെ നിഴലുകൾ’ എന്ന ഈ നാടകം.