മുട്ടായിത്തെരു

Book Name in English : Muttayitheru

കൈയ്യിലെ കിഴി മേൽപ്പോട്ടുയർത്തി ദേവി തൻ്റെ തൃക്കണ്ണ് തുറന്നു. കിഴിനിറയെ കഥകളാണ്. അറിഞ്ഞോ അറിയാതെയോ പരസ്‌പരം കൈകോർത്ത കഥകൾ. തെരുവിലെ മണ്ണിൽ മറഞ്ഞുപോയവരും ഇന്നുമിവിടെ ജീവിക്കുന്നവരും ഒരിക്കലിവിടെ വന്നുപോയവരും ഇനിയും വരാൻ സമയമാവാത്തവരും ഒറ്റക്കിഴിക്കുള്ളിൽ അകപ്പെട്ടുപോയതിന്റെ ശാസ്ത്രം തെരുവിനും ദേവിയ്ക്കും മാത്രമറിയാം. കണ്ണുനീരിൻ്റെ ഉപ്പുചുവയ്ക്കുന്ന കഥകളിൽ ദേവി ലേശം മധുരം തൂവി കീഴി ഭദ്രമായി കെട്ടി, കഥ കാലിയാവാത്ത തെരുവിൻ്റെ മൂലയിലിരുന്ന് വെറ്റിലമുറുക്കിത്തുപ്പി ആകാശം ചുവപ്പിച്ചു. കെട്ടിവച്ച മുടി അഴിച്ചിട്ട് മധുരത്തെരുവിനെ പുതപ്പിച്ചു. ഇരുട്ടുപെയ്‌തു തുടങ്ങി മങ്ങാട്ടച്ചൻ വന്നതേയില്ല... നൂറ്റാണ്ടുകളുടെ കാത്തിരിപ്പിൻ്റെ അന്നത്തെ രാത്രിയും കടന്നുപോയി.