യുധിഷ്‌ഠിരന്റെ അശ്വമേധം

Book Name in English : Yudhishtirante aswamedham

അർത്ഥലാഭമുദ്ദേശിച്ച് പാണ്ഡവരും കൗരവരും തമ്മിൽ ഘോരയുദ്ധം നടന്നു. 18 ദിവസം നീണ്ടുനിന്ന ആ മഹായുദ്ധം കൗരവരുടെ നാശത്തിലും പാണ്ഡവരുടെ വിജയത്തിലുമാണ് കലാശിച്ചത്. തുടർന്ന് ഭഗവാൻ ശ്രീകൃഷ്‌ണൻ്റെ അനു ഗ്രഹാശിസ്സുകളോടെ യുധിഷ്‌ഠിരൻ രാജാവായി. ഒരു വീടെങ്കിലും കിട്ടാൻ ആശിച്ചവർക്ക് ഒരു മഹാരാജ്യംതന്നെ കിട്ടി. എന്നിട്ടോ? വല്ല ആശ്വാസവും ലഭിച്ചോ? ഇല്ലെന്നതാണ് പരമാർത്ഥം. ബന്ധുമിത്രാദികളും നിരപരാധികളുമായ അനേകായിരം പേർ മരിച്ചുപോയതിലുള്ള കുണ്‌ഠിതമാണ് യുധിഷ്ഠിരന്. ആരാശ്വസിപ്പിച്ചിട്ടും ആശ്വാസം ലഭിക്കാത്ത ദുഃഖം! ഒടുവിൽ വേദവ്യാസൻ്റെ ഉപദേശപ്രകാരം അശ്വമേധ യാഗം നടത്തി ആശ്വാസമടയാൻ നിശ്ചയിച്ചു. യാഗത്തിന്റെ കഥയാണ് ഈ കൃതിയുടെ ഉള്ളടക്കം. ഇതിൻ്റെ മൂലകർത്താവ് ജൈമിനിമഹർഷിയാണ്.