ലഡാക്ക് പാതകളും മനുഷ്യരും

Book Name in English : Ladakk Pathakalum Manushyarum

ലഡാക്ക് ഒരു ദേശത്തിൻ്റെ പേര് മാത്രമല്ല; യാത്ര മനുഷ്യനിൽ തുറന്നിടുന്ന ഒരു വിശാലമായ അനുഭവഭൂമിയാണ്.
മഞ്ഞുമലകളുടെയും വരണ്ട താഴ്‌വരകളുടെയും നീലാകാശത്തിന്റെയും അതിരുകളിലൂടെ സഞ്ചരിക്കുമ്പോൾ, കാഴ്‌ചകളേക്കാൾ ആഴത്തിൽ പതിയുന്നത് അവിടത്തെ മനുഷ്യരും അവരുടെ ജീവിതവും ഓർമ്മകളും ചരിത്രവുമാണ്. വി. മുസഫർ അഹമ്മദിൻ്റെ യാത്രാവിവരണം അതുകൊണ്ടുതന്നെ ഒരു വിനോദസഞ്ചാരിയുടെ കാഴ്ച‌പ്പാടിൽ ഒതുങ്ങുന്നില്ല. വഴിയിൽ കണ്ടുമുട്ടുന്ന മനുഷ്യരും മലകളും തടാകങ്ങളും ഗ്രാമങ്ങളും പഴയ കൊട്ടാരങ്ങളും ആശ്രമങ്ങളും ഒത്തുചേർന്ന് ഒരു ദേശത്തിന്റെ ആത്മാവിനെ അന്വേഷിക്കുന്ന യാത്രയായി അത് മാറുന്നു. പ്രകൃതിയുടെ അതിമനോഹാരിതയ്ക്കെ‌ാപ്പം അതിന്റെ ദുർബ്ബലതയും ചരിത്രത്തിൻ്റെ മഹത്വത്തിനൊപ്പം അതിൻ്റെ മുറിവുകളും ഈ യാത്രയിൽ തെളിഞ്ഞുവരുന്നു.